بشر يصعب على النسيان

[Atheer]

أَعـانِق وحدتي وابكـي ولا أقوى على الكِتـمـان
بـ هذا الصَدْر ياعـــالم دِفَـنْـت أَسرار مكـلــــومــهـ

الين الحين في بالي |بَشَر يِصْعَـب على النِّسيــان|
هذاك اللي مَلَك رُوحي .. عَشَقْــهـ الـ قلب مالومــهـ

أغص بـ دمعتي وامســــح بِقايــــاها قَـبِــل لاتبــان
لأن اللي بغــوا جرحي .. عزاهم أبقى مهزومــهـ

حشى ماهمّني مِن قــال : خسارهـ عِشقكـم مازان
يـ عِذال الهوى والحب .. ترى الأقدار مقسومــهـ

أنا لو جيت بس أحكـي عن الماضي الذي قِـد كــان
قَسَـم بالله ماأقـــدر أجيــب الصِدْق وعلــــومــهـ

حبيبي فَــارِق بـ وَصفه شَـ قول ولو حَكِيــت الآن
يجي القَــرن الذي بَعْــدي ولا وفّيت معـلــومــهـ

حبيبي كـان ماخذنــي عن العــالم عن الأحــزان
يقول : أرجـوك إنسيهم بـ غيــري مانتِ ملزومــهـ

إذا شـاف الحِزِن يَرسِم ملامــح عبرتي بُـهتــــــان
يجي يمسح دموع القلب قبل لاقول : مهمومــهـ

ويفهم نظرة عيوني .. يقــول : انتِ تبيـــن أحضــان
وياخذني على حضنــهـ أصيــر أقــرب من هـدومــهـ

وإذا يقسى عَلَي يومين .. أجي أسأل : عَلَي زعلان ؟!
ملامح وجهـي تشــرح له معــاني وصف |مصــدومــهـ|

يناظرني بـ طَرَف عينه .. ويهمس لي : |أنا عطشــان|
واجي أرويــهـ من شـوقــي وانـا بالحيــل مغرومــهـ

نويت آصــون ذِكــرانـا ولو هُـــو للـ وفــى مــــاصــان
نذرت أبقى على .. |حبـهـ| حَلَـفْـت وحِلفي ماصومــهـ

عَشَقْـتَــهـ عِشــق ماظنّـي عَشَق مثلـهـ أَبَـد إنســـان
ولين الحيــن أردّدها |عســى يُومـي قَبِـــل يُـومــهـ|





تحياتي

[بنت الشيوخ ومن شافها يدوخ]

يعطيك العافيه ياغلا

والله لا يحرمنا جديدك

تقبلي ودي واحترامي

[رنا]

أَعـانِق وحدتي وابكـي ولا أقوى على الكِتـمـان
بـ هذا الصَدْر ياعـــالم دِفَـنْـت أَسرار مكـلــــومــهـ

الين الحين في بالي |بَشَر يِصْعَـب على النِّسيــان|
هذاك اللي مَلَك رُوحي .. عَشَقْــهـ الـ قلب مالومــهـ

سمرتُ بين بين كلماتكِ

إلى فجراً لا اعلم مداه

فأبحرت وترجعت وأخذني موج حرفكِ

تارةً أُخرى

فكم راقت لي تلك الامواج

وسأنتظر رحلة أحرفكِ الأخرى

دمتِ بقرب من تحبِ

[بنت النور]

صح لسانك ..

قصيده جميله .. بجمال شاعرتها المتألقه دائماً

وأنتي فعلاً شاعره .. ومبدعه ومميزه ..

دمتي بكل حب ..

[مزعلة النساء]

صح لسان مبدعها

وتسلم لناهذه الذائقة المتلبسه بالجمال


قصيدة نزفت احساس راقي جدا

معاني تتسلل الى شغاف القلب

اختيار لاينم الا عن ذائقة شعر يه كبيرة


ابدعتي واكثر

ذوووق في ذوووق


ليس لي الا الاستمتاع بجمالها

وارويتي الذائقة شعرا




لك دعوات بان السعادة لا تفارق محياك


واشكرك على هذا العطاء المتوهج


تقبلي تواضع مروري وجل تقديري